ابوظبی،13مئی، 2024 (وام) ۔۔انڈونیشیا کے وزیر دفاع اور نو منتخب صدر عزت مآب پرابوو سوبیانتو نےصدر عزت مآب شیخ محمد بن زاید النہیان سےابوظہبی کےقصر الشاطی میں ملاقات کی اور دوطرفہ تعلقات اور باہمی تعاون کو فروغ دینے پر تبادلہ خیال کیا۔
عزت مآب سوبیانتو نے شیخ محمد بن زاید النہیان کو انڈونیشیا کے صدر جوکو ویدودو کی طرف سےمبارکباد اورمتحدہ عرب امارات کی مسلسل ترقی اور خوشحالی کے لیے نیک تمناؤں کا پیغام پہنچایا۔
شیخ محمد بن زاید النہیان نے عزت مآب صدر جوکو ویدودو کا شکریہ ادا کرتے ہوئے انڈونیشیا کے برادر عوام کی مزید خوشحالی اور ترقی کیلئےدعا کی۔
شیخ محمد بن زاید النہیان نے انڈونیشیا کے صدارتی انتخابات میں ان کی حالیہ کامیابی پر ابوو سوبیانتو کو ایک مبارکباد دی۔
انہوں نے آنے والے دور میں اپنی قوم کی رہنمائی کرنے اور اپنے لوگوں کی امنگوں پر پورا اترنے میں عزت مآب سوبیانتو کی کامیابی کے لیے نیک خواہشات کا اظہار کیا۔
شیخ محمد بن زاید النہیان نے متحدہ عرب امارات اور انڈونیشیا کے درمیان تعاون کو گہرا کرنے اور مشترکہ ترقی اور خوشحالی کو فروغ دینے کے لیے مضبوط اسٹریٹجک تعلقات سے فائدہ اٹھانے میں اپنی گہری دلچسپی پر زور دیا۔ انڈونیشیا کے وزیر دفاع اور نومنتخب صدرنے دو طرفہ تعلقات کو تمام شعبوں خاص طور پردفاعی اور عسکری شعبوں میں دونوں ممالک کے فائدے کے لیے فروغ دینے کے طریقوں پر تبادلہ خیال کیا۔
انہوں نے باہمی مفاد کے متعدد علاقائی اور بین الاقوامی امور پر بھی تبادلہ خیال کیا۔
عزت مآب شیخ محمد بن زاید النہیان نے ملاقات کے دوران ان کی مخلصانہ کوششوں اور متحدہ عرب امارات اور انڈونیشیا کے درمیان تعاون کو بڑھانے میں ان کے کردار کے اعتراف میں ابوو سوبیانٹو کو دی آرڈر آف زاید سے نوازا۔
انڈونیشیا کے وزیر دفاع نے عزت مآب شیخ محمد بن زاید النہیان کا شکریہ ادا کرتے ہوئے یہ تمغہ حاصل کرنے پر اپنے فخر کا اظہار کیاکیونکہ یہ ایک قابل احترام عالمی انسانی شخصیت مرحوم شیخ زاید بن سلطان النہیان کے نام سے منسوب ہے۔
انہوں نے امید ظاہر کی کہ دونوں برادر ممالک کے درمیان تعلقات میں مسلسل ترقی جاری رہے گی۔