ابوظبی، 4 فروری 2025 (وام) – متحدہ عرب امارات کی جنرل سول ایوی ایشن اتھارٹی نے انٹرنیشنل سول ایوی ایشن آرگنائزیشن کے چوتھے "گلوبل امپلیمنٹیشن سپورٹ سمپوزیم" (GISS 2025) اور "گلوبل سسٹین ایبل ایوی ایشن مارکیٹ پلیس" (GSAM) کے لیے 33 کلیدی شراکت داروں کا اعلان کیا ہے۔
یہ ایونٹ 10 سے 12 فروری تک ابوظبی میں منعقد ہوگا، اور یہ عزت مآب شیخ محمد بن راشد آل مکتوم، نائب صدر، وزیر اعظم، اور دبئی کے حکمران کی سرپرستی میں منعقد کیا جا رہا ہے۔
ایونٹ میں نٹرنیشنل سول ایوی ایشن آرگنائزیشن کے 193 رکن ممالک سے 1,500 سے زائد ہوا بازی کے ماہرین شرکت کریں گے، تاکہ پائیدار ہوا بازی کو فروغ دینے اور اس شعبے کی ترقی کے لیے مصنوعی ذہانت سے چلنے والے حلوں پر تبادلہ خیال کیا جا سکے۔
اعلیٰ سطحی مذاکرات، حکومتی نمائندے، ہوا بازی کی صنعت کے رہنما، مالیاتی ادارے اور توانائی کمپنیاں اس موقع پر پائیداری کے چیلنجز پر تبادلہ خیال کریں گی۔
جنرل سول ایوی ایشن اتھارٹی کے ڈائریکٹر جنرل، سیف محمد السویدی نے اس تقریب کی اہمیت پر روشنی ڈالتے ہوئے کہا کہ یہ ایونٹ بین الاقوامی ہوا بازی کی پائیداری کے فروغ میں اہم کردار ادا کرے گا۔
انہوں نے مزید کہا کہ یو اے ای پہلی مرتبہ گلوبل سسٹین ایبل ایوی ایشن مارکیٹ پلیس کی میزبانی کر رہا ہے، جو پائیدار ہوا بازی کے ایندھن کے ماحولیاتی نظام، بشمول پیداوار، تقسیم، اور مالیاتی معاونت میں تمام شراکت داروں کو اکٹھا کرنے کے لیے ایک منفرد اقدام ہے۔
اس عالمی ایونٹ میں اہم شراکت داروں میں ابوظبی ایئرپورٹس، ابوظبی انویسٹمنٹ آفس، اتحاد ایئرویز، ایمریٹس ایئر لائن، فلائی دبئی، ادنوک، ایئربس، بوئنگ، فالکن ایوی ایشن سروسز، اسمارٹ اینڈ آٹونومس وہیکل انڈسٹریز (SAVI)شامل ہیں۔
اس کے علاوہ، لمس ٹیکنالوجی، زیڈ آر 2 گروپ، اور جانسن میتھی جے ایم جیسی عالمی کمپنیاں بھی ایوی ایشن انڈسٹری میں پائیداری کے اہداف کو آگے بڑھانے میں کلیدی کردار ادا کریں گی۔
ایونٹ کو متعدد میڈیا اداروں کی حمایت حاصل ہے، جن میں ایمریٹس نیوز ایجنسی (وام)، ایوی ایشن ویک نیٹ ورک، ٹائمز ایرو اسپیس، اور عربین ایرو اسپیس شامل ہیں۔
گلوبل امپلیمنٹیشن سپورٹ سمپوزیم 2025 پہلی مرتبہ مشرق وسطیٰ میں منعقد ہو رہا ہے، جبکہ اس سے قبل یہ استنبول، سیئول، اور ڈومینیکن ریپبلک میں منعقد ہو چکا ہے۔
اس بار ایونٹ میں پائیداری اور AI انضمام پر خصوصی توجہ دی جا رہی ہے، جو ہوا بازی میں اختراع اور ماحولیاتی ذمہ داری کے لیے متحدہ عرب امارات کے عزم کے عین مطابق ہے۔