برسلز، 10 فروری 2025 (وام) – یورپی کمیشن نے کہا ہے کہ وہ امریکی صدر ڈونلڈ ٹرمپ کے یورپی یونین (EU) کے ممالک سے برآمد ہونے والے اسٹیل اور ایلومینیم پر ممکنہ محصولات کے اعلان پر کسی ردعمل کا اظہار نہیں کرے گا، جب تک کہ مزید وضاحت فراہم نہیں کی جاتی۔
کمیشن کے مطابق، یورپی یونین کو امریکی حکومت کی جانب سے ان اضافی محصولات کے بارے میں کوئی باضابطہ اطلاع موصول نہیں ہوئی۔ اسی وجہ سے، کمیشن نے "وسیع اور عمومی اعلانات" پر ردعمل دینے سے گریز کیا ہے اور کہا ہے کہ وہ صرف تفصیلی یا تحریری وضاحت ملنے پر کوئی اقدام کرے گا۔
یورپی کمیشن کے ترجمان نے کہاکہ، "یورپی یونین اپنی برآمدات پر محصولات کے نفاذ کی کوئی معقول وجہ نہیں دیکھتا۔" انہوں نے مزید کہا کہ کمیشن یورپی کاروباری اداروں، مزدوروں اور صارفین کے مفادات کے تحفظ کے لیے پرعزم ہے اور کسی بھی غیر ضروری تجارتی اقدامات کی مخالفت کرے گا۔
یورپی ذرائع کے مطابق، "اگر واشنگٹن واقعی ان محصولات کو نافذ کرتا ہے، تو یورپی حکام کے لیے پہلے سے لاگو کردہ جوابی اقدامات کو دوبارہ نافذ کرنا ایک معقول ردعمل ہوگا۔"