ابوظہبی، 2 اپریل 2025 (وام) – متحدہ عرب امارات نے تاجکستان، کرغیزستان اور ازبکستان کے درمیان سہ فریقی سرحدی رابطے کے معاہدے اور "خجند اعلامیہ برائے دائمی دوستی" پر دستخط کا خیرمقدم کیا ہے۔
وزیرِ مملکت احمد بن علی الصایغ نے کہا کہ متحدہ عرب امارات اس معاہدے کو خطۂ وسطی ایشیا میں تعاون، ترقی اور استحکام کے لیے ایک مثبت قدم سمجھتا ہے، جو نہ صرف علاقائی بلکہ عالمی سطح پر بھی امن، خوشحالی اور استحکام کو فروغ دے گا۔
انہوں نے متحدہ عرب امارات اور مذکورہ تینوں ممالک کے درمیان قریبی تاریخی تعلقات پر بھی روشنی ڈالی اور کہا کہ یو اے ای ان ممالک کی جانب سے امن اور ترقی کے فروغ کی کوششوں کی مکمل حمایت کرتا ہے۔ احمد بن علی الصایغ نے اس بات پر بھی زور دیا کہ بحرانوں اور تنازعات کے حل کا واحد مؤثر راستہ پُرامن مکالمہ ہے۔