ابوظہبی، 21 مئی، 2025 (وام)--متحدہ عرب امارات کے قومی سلامتی اور دفاعی صلاحیت کے کلیدی ادارے ٹرسٹ، جو ایج گروپ کا ایک ذیلی ادارہ ہے، نے جنوبی افریقہ کی کمپنی اے ڈی جی موبلٹی کے ساتھ ایک یادداشتِ مفاہمت (MoU) پر دستخط کیے ہیں۔ اے ڈی جی موبلٹی محفوظ گاڑیوں، سب سسٹمز اور اجزاء کی تیاری میں مہارت رکھتی ہے۔
یہ معاہدہ ابوظبی نیشنل ایگزیبیشن سینٹر میں 19 سے 22 مئی تک جاری "میک اِٹ ان دی ایمریٹس" فورم کے دوران اعلان کیا گیا۔
یادداشت کے تحت دونوں ادارے متحدہ عرب امارات میں خصوصی زمینی دفاعی نظام، گاڑیوں اور متعلقہ سازوسامان کے ڈیزائن، تیاری اور ترقی کے لیے اسٹریٹجک تعاون کا فریم ورک قائم کریں گے۔
معاہدے پر ایج گروپ کے نائب صدر برائے بزنس ڈیولپمنٹ (ٹریڈنگ و مشن سپورٹ)، ڈاکٹر جاسم الزعابی اور اے ڈی جی موبلٹی کے سی ای او، ڈاکٹر اسٹیفن نیل نے دستخط کیے۔ اس موقع پر ٹرسٹ کے چیف آپریٹنگ آفیسر، ڈاکٹر عبدالمنعم الشحی اور منیجر برائے انجینئرنگ و ڈیولپمنٹ، سید ہارون بھی موجود تھے۔
یہ شراکت داری متحدہ عرب امارات میں دفاعی صنعت کی خودکفالت کو فروغ دینے، جدید ٹیکنالوجی کے انضمام اور زمینی نظام میں قومی مہارت کو بڑھانے کے لیے ایک اہم قدم قرار دی جا رہی ہے۔