ابوظہبی، 3 جون (وام)--متحدہ عرب امارات کے صدر، عزت مآب شیخ محمد بن زاید النہیان نے عید الاضحیٰ کے موقع پر مختلف جرائم میں سزا یافتہ 963 قیدیوں کی اصلاحی اداروں سے رہائی کا حکم جاری کیا ہے۔
عزت مآب شیخ محمد بن زاید نے قیدیوں پر عائد تمام مالی جرمانے بھی ادا کرنے کا اعلان کیا ہے۔
یہ معافی اُن اقدامات کا تسلسل ہے جو صدرِ مملکت مختلف مذہبی اور قومی مواقع پر جاری کرتے ہیں، جن کا مقصد قیدیوں کو نئی زندگی کا آغاز کرنے، اپنے اہلِ خانہ اور معاشرے میں دوبارہ مثبت کردار ادا کرنے کا موقع فراہم کرنا، اور معاشرے میں عفو و درگزر اور ہمدردی کی اقدار کو فروغ دینا ہے۔