نیویارک، 2 جولائی، 2025 (وام)-- اقوام متحدہ کی جنرل اسمبلی نے مالی سال 2026-2025 کے لیے عالمی امن مشنز کی مد میں 5.38 ارب ڈالر کے بجٹ کی منظوری دے دی ہے۔ یہ رقم گزشتہ سال کے مقابلے میں قدرے کم ہے۔ بجٹ کی منظوری ان طویل مذاکرات کے بعد دی گئی، جن کے دوران اقوام متحدہ کے مستقل مالیاتی چیلنجز پر بھی توجہ دلائی گئی۔
یاد رہے کہ گزشتہ برس امن قائم رکھنے کے 14 مشنز کے لیے 5.59 ارب ڈالر مختص کیے گئے تھے، جس کے مقابلے میں موجودہ بجٹ میں معمولی کمی آئی ہے۔ اس کی ایک وجہ کوٹ ڈی آئیور اور لائبیریا میں سابقہ مشنز کے حتمی خاتمے کو قرار دیا گیا ہے۔
اقوام متحدہ کے امن مشنز دنیا بھر میں اس کے نمایاں ترین اقدامات میں سے ایک سمجھے جاتے ہیں، جن کے تحت اس وقت تقریباً 70,000 فوجی، پولیس اور سول اہلکار افریقہ، مشرق وسطیٰ اور یورپ کے مختلف علاقوں میں تعینات ہیں۔