منگل 15 جون 2021 - 11:56:50 صبح

متحدہ عرب امارات میں کووڈ 19 کے 1614 نئے مریض ، مزید 1600 صحتیاب ، دو اموات


ابوظہبی ، 11 مئی ، 2021 (وام) ۔۔ وزارت صحت و تحفظ کے مطابق ملک میں گزشتہ 24 گھنٹوں کے دوران کووڈ 19 کے مزید 1 لاکھ 77 ہزار 688 ٹیسٹ کیئے گئے ، اس عمل میں جدید ترین طبی تشخیصی آلات کا استعمال کیا گیا – وزارت کی طرف سے منگل کو جاری بیان کے مطابق کووڈ 19 کی عالمی وباء کے متاثرین کی قومی سطح پر جلد تشخیص کرکے انہیں فوری ضروری علاج میسر کرنے کی مہم جاری ہے ۔ اس کے تحت ہونے والے اضافی ٹیسٹس کے نتیجے میں وباء کے نئے متاثرہ 1614 مریضوں کی تشخیص ہوئی ۔ اس کے نتیجہ ملک میں اس وائرس کے مجموعی متاثرین کی تعداد 5 لاکھ 39 ہزار 138 ہوگئی ۔ نئے مریض مختلف قومیت سے تعلق رکھتے ہیں ، ان سب کی حالت سنبھلی ہوئی ہے اور انہیں ضروری علاج معالجہ بھی میسر کیا جارہا ہے – وزارت نے بتایا ہے کہ گزشتہ 24 گھنٹوں کے دوران کووڈ 19 کے زیرعلاج مریضوں میں سے طبی پیچیدگی کے باعث مزید 2 مریض وفات پاگئے ، اس کے بعد ملک اس وائرس سے ہونے والی مجموعی اموات کی تعداد 1617 ہوگئی – وزارت نے مرنے والوں کے لواحقین سے دلی تعزیت کا اور دیگر زیر علاج مریضوں کی جلد صحتیابی کیلئے نیک توقعات کا اظہار کیا ہے ۔ وزارت نے عوام کو احتیاطی تدابیر کا سلسلہ جاری رکھنے اور سب کی بھلائی کیلئے سماجی فاصلے جیسے حفاظتی اقدامات کی پیروی کرتے رہنے کی تلقین بھی کی ہے – وزارت نے بتایا ہے کہ وباء سے متاثرہ مریضوں میں سے مزید 1600 مکمل صحتیاب ہوگئے ہیں جس سے ملک میں مجموعی طور پر صحتیاب ہونے والے ایسے افراد کی تعداد بڑھ کر 5 لاکھ 19 ہزار 405 ہوگئی – ترجمہ ۔ تنویر ملک – https://www.wam.ae/en/details/1395302934262

WAM/Urdu